Carlos González

Chámome Carlos e son de Quiroga. De pequeno xogaba a diferentes profesións, dende carteiro ata médico, e finalmente decidín que quería ser xornalista. Niso sigo e agora escribo no xornal, falo pola radio e, ultimamente, mesmo saio na tele.
	Quen mo diría, cando hai nada estaba en primaria facendo un programa de radio no que tiñamos que cantar a sintonía por non ter un ordenador para poñela. O fútbol é outra das miñas paixóns e mentiría se dixese que me interesa máis a final da Champions ca un partido calquera de Terceira. Son deportivista e isto, por moi mal que veñan as cousas, non é negociable.